Teri mehfil ke mehmaano ki feharist me beshak hamara naam nahi…
Maujood phir bhi honge Aarsi….charchon me sahi…
RC

Hain Naam Kai Badnaam mere…
Kitne hi kagazon ki kitni hi katrano me bhikre…
RC

Jab khayalon me kabhi apne, mera kuch kissa paaoge…
Yu hi muskurakar sar hilaoge…aur phir bhool jaoge…
RC

Jee rahe hain Zindagi Aarsi kuch yu besabar…
Kabhi safar chod baithe kabhi choote hain humsafar
RC

Jab Khayalon me kabhi apne mera koi kissa yu hi paoge..
Yu hi muskura kar sar hilaoge aur phir bhool jaoge
RC

Hai Ishq mera bas itti hi kahani….
Tum muskurate raho aur zindagi rumaani…
RC

Jo hue faasle toh galatfehmiyan bhi miti hain…
Ishq andha nahi…bas nazdeek ki nazar kamzor hai iski…
RC

Ek jhonke se kuch panne palat gaye hain…dabe ek sookhe gulaab ki mehak phi udi hai…
Jo beh rahi thi seedhi si zindagi…kisi patthar se takrakar kisi or toh mudi hai…
RC

Jo toot kar na bikhra wo dil hi kya..
Dhadakna toh bas majboori hai jeene ke liye..
RC

Gar baras sake toh baras jaane bhi do..
Jo andar reh gaya sailaab toh tabahi hai…
RC